|
Queen_of_Roundups
|
read my profile
sign my guestbook
Country: Hong Kong
Gender: Female
Interests: Knitting, Cross-stitching, Clipart Collecting, Reading, Cooking, Singing, Preaching, Sunday Schooling, Fellowshipping, Playing with GG, Stamp Collecting, Shopping, Ethnic Clothing, Buzz-Lightyearing...
Expertise: Round up, Round up, Round Round up!!!
Message: message me
Member Since:
12/30/2004
|
|
SubscriptionsSites I Read
|
|
|
|
| 不經不覺, Jon Jon已經15日大啦... Jon Jon返了屋企也超過一星期... o係呢個星期裡面, 我同GG都忙於學習湊Jon Jon... 基本上, Jon Jon其實都唔係一個難攪的bb.... 好多時都會食完就攪攪豬, 大小二便等... 佢又唔係好怕嘈, 所以就算我o地睇電視, o係佢身邊勁講o野, 佢都好少理, 繼續zzzzzzz.... 不過呢.... 一到凌晨12點到3點, 就係佢o既黃金時候... 佢通常會o係呢段時間辦一辦大事, 排出黃金si si, 跟住呢, 佢d食奶時間就會亂o左龍, 好快肚餓喊住要食食, 食完之後, 隔一個鐘又肚餓喊住要食食... 攪到爸爸同媽媽無攪好訓, 媽媽一路釣魚, 一路餵奶, 一路掃風.... 好鬼tired呀... Jon Jon, 你可唔可以唔o係深夜時候痾si si呀??? "你出你入，耶和華要保護你，從今時直到永遠。"(詩 121:8)
| | |
| 各位Uncle, Auntie, 哥哥, 姐姐: 你o地好!!! 我老實Jon Jon無呃你o地, 我終於o係2008年6月17日從媽媽的肚裡游水游出來了!!!! Hello!!! (學媽媽的語氣....) 大家好嗎??? 呢個禮拜無我媽媽的督促下, 大家靈修點呀??? 哈哈... 今次游水, 真係馬拉松... 話說o係6月16日晚上, 我已經開始在媽媽的肚裡朝住光明之處係咁游, 攪到媽媽成晚都cannot sleep... 突然之間, o係6月17日大概凌晨4點, 有一股洪流隨住我的身體衝埋o黎, 我仲以為可以承住股洪流衝埋出o黎tim, 原來媽媽穿了水... 點知經過呢股洪流之後, 我仍然在媽媽的肚裡, 我唯有在僅餘的水裡繼續游... 之後, 好多護士姐姐就送o左我媽媽入產房, 開始吊催生藥, 催我快d游.... 成個朝早, 都無咩動靜, 媽媽就痛下痛下, 一痛就聞氣, 好彩有爸爸陪住媽媽, 佢又幫媽媽按摩, 抹汗, 打氣 (第時我都要學爸爸一樣, 好好陪我老婆).... 到o左下晝, 我終於開始見到光明之處, 然後o係晚上9點幾, 我終於聽到班好好人o既助產士aunties同護士姐姐高呼:"生得啦", 然後再加埋爸爸, 成班人不停為我媽媽打氣: "忍住度氣, 出力, 長d, 唔好噴氣, 用力, 見到啦, 見到頭髮啦, 就得啦... 好, 休息一陣, 再o黎過, ... 忍住度氣, 出力, 長d, 唔好噴氣, 用力, 見到啦...就得啦...." 如是者, 又經過一個鐘頭.... 真係辛苦了媽媽.... 佢平時好長氣好大力o架ma (相信大家都見識過), 但係自從凌晨4點穿水, 到夜晚10點幾, 佢都無食過o野飲過水... 所以經過一輪出力後, 媽媽真係好累.... 慘啦, 唔通要開刀??? 天父係有恩典o既, 之後有一個靚女醫生, 拿住個"吸"形物體, 放o係我個頭仔度, 然後一叫, 媽媽出盡所有力, 靚女醫生又用個"吸"形物體一拉, 我就拼命咁游.... 嘩, 我個頭仔終於游到出o黎啦!!!! 見到成班人圍住我呀, 然後媽媽再出一度力, 我又以我強項蛙式一游, 我成個身都標埋出o黎, 然後個助產士auntie就將我捧到媽媽的肚上, 我隱約聽到媽媽對爸爸: "Jon Jon真係好重呀!!!" 經過一場馬拉松游水, 我終於趕得徹o係6月17日晚上10點幾o黎到呢個世上... 我要澄清一下, 我無之前d醫生講得咁誇張, 有成4kg咁重 (8磅8)... 可能因為我後期練水操fit了一點, 最後修身了一點, 係3.59kg, 即7磅14安士, 都好大隻... 大家記住, 我係大隻, 唔係肥.... 呵呵... 今日我已經3日大, 但係因為皮膚黃了一點, 所以今晚要繼續留o係醫院照燈哂太陽.... 希望早日出院, 與大家快d見面!!!! 好, 今日係咁先!!! 我未成形的體質，你的眼早已看見了；你所定的日子，我尚未度一日，你都寫在你的冊上了。(詩 139:16)
| | |
| 各位Uncle, Auntie, 哥哥, 姐姐: 你o地好... 我Jon Jon今日向大家宣佈: "我準備出來啦!!! 如無意外, 6月17日下星期二, 我會出來與大家見面啦!!!" 係咁o既.... 今天GG Dadi, 媽媽同我去QM覆診, 醫生姐姐話我因為大隻, 所以雖然仲有兩個星期先係預產期, 佢都提議媽媽催生, 快d催我出o黎, 費事我在媽媽的肚內繼續長肉, 搞到媽媽太難生.... 媽媽同我會o係6月16日星期一早上入院, 做好準備.... 然後, 6月17日星期二就會催生.... 希望一切順利, 媽媽唔洗痛好耐, 就可以生到我出o黎.... 希望順產, 媽媽唔洗捱一刀.... 媽媽, 我會好努力自己游水游出o黎, 我會乖乖的.... 天父爸爸, 唔該你幫助我o地, 我出o左o黎之後, 我一定會乖乖聽你話, 乖乖跟隨耶穌... 唔該哂... 各位Uncle, Auntie, 哥哥, 姐姐, 請繼續為我o地祈禱啦... 唔該... 好啦, 我要繼續在媽媽肚裡練習游水啦... 遲d再講啦... "婦人生產的時候就憂愁，因為他的時候到了；既生了孩子，就不再記念那苦楚，因為歡喜世上生了一個人。"(約 16:21)
| | |
| 昨天, 開始了第一天的產假, 感覺就是: 悠閒... 一早起身, 婆婆已預備了一隻粽給媽媽和Jon Jon作早餐, 讓媽媽可以一面吃, 一面看報紙... 然後Check 了一會email, 看了一會書, 媽媽便開工, 開始洗Jon Jon的床單和被... 然後又洗Jon Jon的奶瓶.... 這時婆婆又預備了上海炒麵給媽媽和Jon Jon作午餐.... 下午, 媽媽本來想去樓下超級市場行一轉買o野, 但婆婆說:"天氣咁熱, 你唔好落街啦, 等我幫你買o野啦!!!" 於是, 媽媽便與Jon Jon在家中看電視, 看書和睡午覺... 睡醒後, 婆婆拿了一隻碟給媽媽, 原來婆婆剛買了麵包給媽媽和Jon Jon作下午茶... 媽媽再Check 了一會email... 那時, 婆婆又開始預備晚餐了... 吃飽晚餐沒多久, 當媽媽和Jon Jon和公公正在看"同事三分親"時, 婆婆又端上一碗切好的火龍果和橙:"吃生果了!!!" 就這樣, 媽媽和Jon Jon一整天都沒有出過街, 媽媽和Jon Jon享受了悠閒的一天.... 皆因親愛的婆婆已為我們預備了一切.... Jon Jon, 你要知道, 你身邊真的有很多人愛錫你, 這是神的恩典... 今天, 我們從婆婆身上看見和得著神的恩典, 謝謝天父, 也謝謝婆婆.... 天父和婆婆這樣愛我們, 我們也要以愛去回應天父和婆婆... "想到你心裡無偽之信，這信是先在你外祖母羅以和你母親友尼基心裡的，我深信也在你的心裡。"(提後 1:5)
| | |
| 今天早上去QM照超聲波, 再度與Jon Jon見面... 其實上次(約3星期前)照超聲波時已知道Jon Jon是大碼bb, 那時Jon Jon已大概5磅幾.... 但估唔到Jon Jon不斷增磅, 按姑娘估計, Jon Jon出世時, 可能會有8-9磅!!!!! 媽媽即時嚇了一跳:"唔係掛?!?!" 不過姑娘就好輕描淡寫地話, Jon Jon一切正常, 只係大隻d姐.... Jon Jon, 媽媽都唔係食好多o野姐, 何來你會咁重磅o架??? 婆婆話, 媽媽出世時只得5磅10 (不過婆婆早了一個月生媽媽).... Jon Jon, 你想做參孫嗎??? Jon Jon, 你咁大隻, 媽媽可能唔可以順產, 而要開刀wor.... 不過, 都要等星期五覆診見醫生時, 先做決定... Jon Jon, 我o地將一切交托俾神啦!!! "我要稱謝你，因我受造，奇妙可畏；你的作為奇妙，這是我心深知道的。" (詩 139:14)
| | |
|
